ಹೈದರಾಬಾದ್: ಪ್ರೀಮಿಯಂ ಮತ್ತು ಅತ್ಯುತ್ತಮ ಗುಣಮಟ್ಟದ ಗೋಡೆಯ ಫಿನಿಶಿಂಗ್‌ಗಳನ್ನು ಎಲ್ಲರಿಗೂ ಕೈಗೆಟುಕುವಂತೆ ಮಾಡುವ ಉದ್ದೇಶದಿಂದ ಜೈಡೆಕ್ಸ್ ಪೇಂಟ್ಸ್ ಭಾರತದ ಎಕಾನಮಿ-ಟು-ಮಿಡ್ ಪೇಂಟ್ ವಿಭಾಗದಲ್ಲಿ ಹೊಸ ಖನಿಜ ಆಧಾರಿತ ಶ್ರೇಣಿಯನ್ನು ಮಾರುಕಟ್ಟೆಗೆ ಪರಿಚಯಿಸಿದೆ.
ತನ್ನದೇ ಆದ ಮಿನೆರಾಟೆಕ್ ತಂತ್ರಜ್ಞಾನ ಹಾಗೂ ಹೈಬ್ರಿಡ್ ಆರ್ಗಾನೋ-ಸಿಲಿಕೇಟ್ ಬೈಂಡರ್‌ಗಳನ್ನು ಆಧರಿಸಿ, ಕಂಪನಿಯು ಒಳಾಂಗಣ ಗೋಡೆಗಳಿಗಾಗಿ ನಿವೋ ಮತ್ತು ಹೊರಾಂಗಣ ಮೇಲ್ಮೈಗಳಿಗಾಗಿ ಡ್ರಿಯೋ ಹಾಗೂ ಡ್ರಿಯೋ ಮ್ಯಾಕ್ಸ್ ಉತ್ಪನ್ನಗಳನ್ನು ಬಿಡುಗಡೆ ಮಾಡಿದೆ. ಪ್ರೀಮಿಯಂ ವಸತಿ ಯೋಜನೆಗಳಲ್ಲಿ ಬಳಸಲಾಗುವ ಅತ್ಯಾಧುನಿಕ ತಂತ್ರಜ್ಞಾನವನ್ನು ಸಾಮಾನ್ಯ ಗ್ರಾಹಕರಿಗೂ ತಲುಪಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ.
ಸಂಶೋಧನೆ, ಸುಧಾರಿತ ಉತ್ಪಾದನೆ ಮತ್ತು ವಿಸ್ತಾರವಾದ ವಿತರಣಾ ಜಾಲದ ಮೂಲಕ ಮುಂದಿನ ಮೂರು ವರ್ಷಗಳಲ್ಲಿ ಈ ವಿಭಾಗದಲ್ಲಿ 1% ಮಾರುಕಟ್ಟೆ ಪಾಲನ್ನು ಪಡೆದುಕೊಳ್ಳುವ ಗುರಿಯನ್ನು ಕಂಪನಿ ಹೊಂದಿದೆ. ಇದಕ್ಕಾಗಿ ಆರಂಭಿಕ ಹಂತದಲ್ಲಿ ಟೈರ್-1, ಟೈರ್-2 ಹಾಗೂ ಆಯ್ದ ಗ್ರಾಮೀಣ ಪ್ರದೇಶಗಳ 60 ಪ್ರಮುಖ ಮಾರುಕಟ್ಟೆಗಳ ಮೇಲೆ ಗಮನವನ್ನು ಕೇಂದ್ರೀಕರಿಸಿದೆ.
ಈ ಕುರಿತು ಮಾತನಾಡಿರುವ ಜೈಡೆಕ್ಸ್ ಗ್ರೂಪ್‌ನ ವ್ಯವಸ್ಥಾಪಕ ನಿರ್ದೇಶಕ ಡಾ. ಮೌಲಿಕ್ ರಾಂಕಾ, ಮುಂದಿನ ಐದರಿಂದ ಹತ್ತು ವರ್ಷಗಳಲ್ಲಿ ಪೇಂಟ್ಸ್ ಮತ್ತು ಸರ್ಫೇಸ್ ಪರಿಹಾರಗಳ ಕ್ಷೇತ್ರದಲ್ಲಿ ತಂತ್ರಜ್ಞಾನದ ಮುಂಚೂಣಿ ನಾಯಕರಾಗಿ ಹೊರಹೊಮ್ಮುವ ಸ್ಪಷ್ಟ ದೀರ್ಘಕಾಲೀನ ಮಹತ್ವಾಕಾಂಕ್ಷೆಯೊಂದಿಗೆ ನಾವು ಜೈಡೆಕ್ಸ್ ಸಂಸ್ಥೆಯನ್ನು ಸ್ಥಾಪಿಸಿದ್ದೇವೆ. ಮಾರುಕಟ್ಟೆಯನ್ನು ಅನುಕರಿಸಿ ಸಾಮಾನ್ಯ ಉತ್ಪನ್ನಗಳನ್ನು ತಯಾರಿಸುವುದು ನಮ್ಮ ಕಾರ್ಯತಂತ್ರವಲ್ಲ, ಬದಲಿಗೆ ಮೆಟೀರಿಯಲ್ ಸೈನ್ಸ್ ಆಧಾರಿತ, ವ್ಯಾಪಕವಾಗಿ ಎಲ್ಲರಿಗೂ ಉಪಯುಕ್ತವಾಗುವ ವಿಶಿಷ್ಟ ಪರಿಹಾರಗಳನ್ನು ರೂಪಿಸುವುದೇ ನಮ್ಮ ಗುರಿ ಎಂದು ಹೇಳಿದ್ದಾರೆ.
ಜೈಡೆಕ್ಸ್ ಪೇಂಟ್ಸ್‌ನ ಸಿಒಒ ಅಮರೇಂದ್ರ ಮಿಶ್ರಾ ಮಾತನಾಡಿ ಭಾರತೀಯ ಪೇಂಟ್ ಉದ್ಯಮದಲ್ಲಿ ಪೈಪೋಟಿ ತೀವ್ರಗೊಳ್ಳುತ್ತಿದೆ. ಆದರೆ ಅವಕಾಶಗಳು ಕೇವಲ ಬೆಲೆ ಮತ್ತು ಬಣ್ಣಕ್ಕೆ ಸೀಮಿತವಾಗದೆ, ಬಲವಾದ ಉತ್ಪನ್ನ ಕಾರ್ಯಕ್ಷಮತೆ ಮತ್ತು ದೀರ್ಘಕಾಲೀನ ಮೌಲ್ಯದತ್ತ ವಾಲುತ್ತಿವೆ. ಸುಧಾರಿತ ಪೇಂಟ್ ತಂತ್ರಜ್ಞಾನ ಮತ್ತು ಜನಸಾಮಾನ್ಯರಿಗೆ ಅದರ ಲಭ್ಯತೆಯ ನಡುವೆ ಸ್ಪಷ್ಟ ಅಂತರವಿರುವುದನ್ನು ನಾವು ಕಂಡುಕೊಂಡಿದ್ದೇವೆ. ತನ್ನ ಅತ್ಯುತ್ತಮ ಕಾರ್ಯಕ್ಷಮತೆಯ ಭರವಸೆಯನ್ನು ಕಾಯ್ದುಕೊಂಡೇ, ಸಿಲಿಕೇಟ್ ಮಿನರಲ್ ಪೇಂಟ್ ತಂತ್ರಜ್ಞಾನವನ್ನು ವಿಶಾಲ ಗ್ರಾಹಕ ವರ್ಗಕ್ಕೆ ತಲುಪಿಸುವ ಮೂಲಕ ಜೈಡೆಕ್ಸ್ ಈ ಅಂತರವನ್ನು ಕಡಿಮೆಮಾಡಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
